Putzuzulo Gaztetxearen 5. urteurrena amaituta eta arnas pixka bat hartze aldera, larunbat honetan, Azaroaren 27an, eskursio txiki bat antolatu dugu Xakelako lagunok.

Honela, Donibane-Ziburuko Gaztetxeko kideekin elkartrukatze egun bat antolatu dugu haien Gaztetxean. Egunari hasiera goizeko 12:00etan emango diogu eta 12:30etan mahai inguru bat edukiko dugu guztion artean Gaztetxe bakoitzaren egoera aztertu eta mintzatzeko.

14:00etan bazkaria izango da eta bazkal ostean bi Gaztetxeen arteko GAZTETXE DEMA edukiko dugu: Infernuko igoera, pilota, petanka eta abar luze batez gozatzeko aukera izango dugu. Jokuen ostean kontzertu akustikoa eta afaria egongo da.

Eta gauari amaiera emateko, kontzertua izango dugu Zarauzko Metralleta eta Diskoiraa taldeekin eta bertako beste bi talderekin.

Bertara joateko lista Gaztetxean eta Arrano Taberna dago jarrita eta ondorioz oraindik ere aukera duzue apuntatzeko. Honez gain, bihar Putzuzulon 17:00etan egingo den asanbladara ere gerturatzea gomendatzen dizuegu, Ziburura nola joan lotarako lekuaz hitz egingo dugu eta.