Irudiak

Gertatzen ari denaren argazkiak

Paradixu Zinema eta kontzertua aste honetako agendan

Hona hemen aste hontarako antolaturiko ekimenak:

Osteguna 11

Ostegunean 19:00tan Putzuzulo Amets Fabrikan, Paradixu Zinemaren eskutik …

“La mochila invisible” Preso egon diren hiru emakumeen bizipenak izango ditugu pantailan, baita dokumentaleko protagonista eta Bidez Bide elkarteko kide bat ere solasaldirako prest!

Paradixu Zineman ikusiko gara…..!!
hemen duzue ikusgai trailerra: https://vimeo.com/124913047

Ostirala 12

Isuo Sasia eta Petti zuzenean ariko dira ekainaren 12an, 22:00tatik aurrera Zarautz herriko Putzuzulo gaztetxean. Bi musikariek disko berriak aurkeztuko dituzte.

Petti
Bakarlaria da Petti (Bera, Nafarroa, 1973) eta amerikar sustraiak dituen rocka egiten du. Sei bakarkako disko kaleratu ditu, eta Anari, Txuma Murugarren, Rafa Rueda edota Barrence Whitfield kantariekin partekatutako diskoak ere baditu. Pettiren ezaugarri nagusiak, erraietatik ateratzen den ahots urratu eta sakona, bluesaren arimaz kutsaturiko kantuak, gitarra jotzeko trebezia eta taula gaineko indar basa dira.

Isuo Sasiia
Isuo Sasiia zarauztar bakarlaria 2009 aldera hasi zen kontzertuak ematen. Zenbait maketa sekreturen ondoren 2011ko urrian argitaratu zuen lehen disko ofiziala, “Ez zegoen ezer”. Bere etxean bertan grabatu, eta bere etxe-behean aurkeztua, Poligonoko Bolatokian. Diskoaren edizioa, tetra-brick zaharrekin egina izan zen. Beranduago, “Idiaren Zaintzari Buruzko Hamar Estanpak” izeneko diskoa kaleratu zuen, eta orain, lan berria aurkeztiuko du.

Petti musikazuzenean komunitatean
http://musikazuzenean.com/petti

Isuo Sasia
http://isuo.bandcamp.com

petti

“Festa dezagun gaurdanik geroa” dokumentala Putzuzulon

Gurekin Jai eta Bilgune Feministarekin elkarlanean, Paradixu Zinemak jai ereduen inguruko dokumentala bota eta tailer bat eskainiko du maiatzaren 30ean 17:00etan Putzuzulo Gaztetxean.

Lehenik “Festa dezagun gaurdanik geroa” dokumentala ikusiko dugu (30 min) eta ondoren, Bilgune Feministak festa ereduen inguruko tailerra eskainiko digu. Saioa 19:00-19:30etarako amaituko dela aurreikusten dugu.

Zuek guztiak gonbidatu nahi zaituztegu, festa norbanakook ere osatzen baitugu; eta gaiaren inguruko hausnarketa denontzat eta bakoitzarentzat izango baita aberasgarri.

Milesker aldez aurretik eta animatu!

Ondo izan!

Zertarako Hegoak antzezlana Putzuzulon

Ostiral honetan, Apirilaren 4ean eta gaueko 22:00etan, Zertarako Hegoak antzezlana edukiko dugu Zarauzko Putzuzulo Gaztetxean.

kartelafinala

Sinopsia:

Egoera absurdu batetik abiatzen da “Zertarako hegoak” antzezlana. Aurkikuntza harrigarri baten berri eman du egunkariak: pertsona normal orok ditu super botereak. Aurkikuntza honek arazo bakarra du: ezertarako balio ez duten super botereak dira topatu dituztenak.

Jende guztia hasi da bere super boterearen bila, haien artean Mirentxu: zer egin hegan egiteko balio ez duten hegoekin?

Pertsona bakoitzak bere inguruan eragiteko duen ‘boterea’z mintzo da Zertarako hegoak antzezlana. Ezertarako balio ez duten gauzen garrantziaz. Batzuetan ‘ni’ izan arren, beste batzuetan ‘gu’ itzateko dugun beharraz.

Parte hartzaileak:

Proiektuaren bultzatzailea: BERRIA egunkaria.
Taldea: Metrokoadroka kolektiboa.
Antzezleak: Ainhoa Alberdi, Amaia Corral, Iraia Elias, Iñigo Ortega, Joseba Roldan.
Testua: Oier Guillan eta aktore taldea.
Zuzendaritza artistikoa: Dejabu panpin laborategia, Jabi Barandiaran.
Argiztapena: Ander Fernandez, Jabi Barandiaran.
Estetika eta jantziak: Marodi sorkuntzak (Idoia Beratarbide eta Maria de Bernardo).
Kartela: Idoia Beratarbide.
Bideoa eta trailerra: Zazpi t’erdi.
Laguntzailea: Errenteriako Udala.